Frèn’ n ak Se’n yo.

Aprè mwen fin’n pasé 20 lané lwen péyi d’Ayiti, mwen finalman retounen andan péyi ya pou poté kontribisyon pa’m kòm dévwa ak reskonsablité sitwayen ké mwen genyen pou ayiti. Jodya mwen vlé sèvi ou ak tout péyi ya.

Mwen santi’m boulvèsé e s’ak anpil kè soté map viv sakap pasé nan péyi d’Ayiti jodya, komansé pa mizè ki ap fini ak nou ak déclanchman sosyété nou an, koté réspè, moralité, entégrité, pa fè pati vi nou ak kilti nou ankò.

Aprè 20 lané brigandaj, krazé, brizé, mensonj, vol, nou kwè lè ya rivé pou nou angaje’n nan yon batay pou chanjman sosyal koté tout moun dwé poté patisipasyon pa yo.

Mwen pwopozé pou nou mété men ansan’m, pou nou bati reskonsablité JEN'N SOSYÉTÉ nou an pou yon démen miyò ak yon lòt lidèship ki gen yon lòt vizyon pou yon lòt sosyété tou nèf.

Jwen’n ak nou pou’n fè diférans sa-a, Mwen konté sou bon Kè ou, lanmou ou gen pou péyi nou an ak kompran’n ou

Sonjé byen, Ou dwé chanjman sa ou ta renmen wè nan sosyété ya.

Mèsi Anpil.  Sèvitè ou

Nod Dorcilien

Prézidan Ak Fondatè  NAAHD